Në një ndërtesë, zakonisht fasada është sipëfaqja më e madhe midis mjedisit të brendshëm dhe të jashtëm ku ndodh që të humbasi një sasi e madhe e energjisë termike të brendshme. Termoizolimi i mureve të jashtme është një zgjidhje efikase e mbrojtjes nga humbjet e energjisë termike të brendshme. Një sistem i tillë i veshjes së fasadës nga jashtë quhet ETICS
(External Thermal Insulation Composite System). Sistemi ETICS përdoret për të veshur ndërtime nga më të ndryshmet, duke filluar nga një shtëpi private e deri tek një pallat, godinë apo çdo lloj ndërtimi tjetër. Sistemi ETICS ka edhe veti të tjera pasi parandalon dëmtimet që lidhen me motin ose problemet nga kondesimi që mund ti shkaktohet fasadës dhe për rrjedhojë ul kostot e mirëmbajtjes në të ardhmen.